Leināʻala Medeiros
Name Leināʻala Medeiros
Age 52
Town/Moku Kaʻimukī
Island Oʻahu
Social Media Handle @paahawaii808
Nominated by B Noelani Iokepa-Guerrero
Leadership Category Culture
Share with us a little about yourself and what you do.
He kupa o Honouliuli, Oʻahualua mai au. ʻO wau ka muliloa a Keokola Abangan laua o Sylvia Tampon. He makuhine au, he kumu au a he kanaka ʻimiloa au; puni au i nā mea Hawaiʻi like ʻole a nui koʻu aloha no ke kukulu i kekahi mau kākoʻo no na ʻōpio. Hana wau i ka ʻaoʻao kula kamaliʻi a i nā kūpuna. Kia au ma luna o kā mākou papahana, ʻo ia hoʻi ʻo Papahana Aloha ʻĀina. He mea nui e kākoʻo i nā hānauna hou i hiki mai ʻana me kekahi mau mākau a e paio mau i nā ʻike kūpuna like ʻole.
Why is the work that you do important to you? The community?
Iāʻu, he mea nui i ke aloha ʻāina- e like me kā mākou nuʻukia, E paʻa ko Hawaiʻi i ke aloha ʻāina. ʻO ka āina ka mea nui - he mea ola, he kā mākou hiapo a he mea waiwai no ke ola. Ke paʻa kākou i nā ʻike e pehea e mālama ai, e ola kākou a pau. ʻO nā kānaka , ka ʻaina, ke kai, ka wai, nā mea i luna o kākou a me nā mea ma lalo kākou - he mea koʻikoʻi nō! ʻAʻole nui o mākou e hele i ke kula Hawaiʻi - ua okoʻa ke ano o nā kula a kēia wā, ua nani ke ʻike aku ua puke nā ʻohana maiā kekahi kula like ʻole a nui ke aloha no ka ʻike kuʻuna; I kēia wā, nui nā ʻōpio e maopopo nā ala o nā kūpuna. Ua ola ka ʻōlelo makuahine. Ua ola ka hana o nā kūpuna a nui ka haʻaheo. ʻIke kākou, e like me ka ʻōlelo ʻo ka ʻōlelo noʻeau: Ua lehulehu a manomano ka ʻikena a ka Hawaiʻi! ʻI ike nā ʻōpio a kēia ka wā e huli au.
Share with us the qualities of leadership you admire and how you express those in your life.
Kukulu ka Pilina: he mea nui e kaʻanalike i nā loina like a hiki iā kākou ke hana pū me ka lokahi. E ʻimi au i kekahi mau ala pono nā kākou no kākou me kākou; nui ka hana e kukulu a me ka mālama ʻana i ka pilina.
Ke aloha: he mea nui aia ke aloha no kekahi i kekahi; ʻaʻole ka mea nani wale akā ka nuku kekahi. Hana wau nā mea ʻelua- he mea pono a hiki iā kākou ke ʻimi i kekahi puʻuhona a kekahi wahi a hiki ke ulu aʻe, me ke aloha a me ka ʻoʻoleʻa, hoʻoponopono, hoʻoia a hana hou.
Nā kaʻakālai: ʻimi au i kekahi mau ala, aʻo mai, kukulu hou a hana hou; hana akamai a hiki ke holomua a lanakila. Hana wau i kekahi mau ala – he mea nui e HANA, loiloi, hoʻoponopono, hooia, hana hou! E ʻimi au i kekahi mau ala a huli au no kekahi kumu e hana pū a aʻo mai au me ka hana. He mea nui e hana – i laila nō nā haʻwina like ʻole.
Ka Mihi: he mea nui, e mihi no ka mea ʻaʻole ʻike au i nā mea a pau.
Who has inspired you to do the work that you are doing?
ʻO koʻu mau mākua, kuʻu wahi hulukūpuna, kuʻu wahi keikikāne a me kuʻu Kumu hula nā kānaka i hele ma mua oʻu a kukulu i kuʻu kāhua.
What is one word that describes something you are excited about for the lāhui?
Hōʻā/hoʻomālamama
What is one word that describes a pressing issue that is facing our lāhui?
naʻaupō