Jonah Kahanuola Solatorio
Name Jonah Kahanuola Solatorio
Social Media @ehoopilimai
Age 29
Town/Moku Kewalo Uka
Island Oʻahu
Leadership Category Education
Nominated by Hannah Wilson
Share with us a little about yourself and what you do. He kumu ʻōlelo Hawaiʻi au a ʻo kaʻu pahuhopu nui, ʻo ia ka hoʻokuluma ʻana i ka ʻōlelo Hawaiʻi i hiki i nā kānaka apau ke aʻo a hoʻohana i ka ʻōlelo. Hoʻolaha au i nā ʻano haʻawina ʻōlelo Hawaiʻi ma nā kūlelepaho (IG me FB) me koʻu makuahine i kēlā me kēia lā i hiki iā haʻi ke aʻo i ka ʻōlelo Hawaiʻi ma kekahi ʻenehana i hoʻohana mau ʻia. Aʻo pū au i ka ʻōlelo Hawaiʻi ma Zoom i kēlā me kēia Pōʻalua i hiki i kekahi mau haumāna ke aʻo i nā analula ʻōlelo Hawaiʻi hou. ʻO ka ʻōlelo Hawaiʻi nō ka mea nui a he kuleana koʻu e hoʻomau i kēia ʻōlelo hoʻoheno o kākou.
Why is the work that you do important to you? The community? He mea nui kēia hana no ko kākou lāhui no ka mea pono kākou apau e hoʻomau i ko kākou ʻōlelo makuahine i ola mau loa ai ka ʻōlelo Hawaiʻi i kēia mua aku. He ʻōlelo ola ka ʻōlelo Hawaiʻi no laila pono kākou e hoʻokuluma i ka ʻōlelo Hawaiʻi ma nā ʻano apau: ma ka hale, ma ke kula, ma ke kūlelepaho, ma nā hale kūʻai, a pēlā wale aku. Inā hoʻāʻo kākou apau e ʻōlelo Hawaiʻi i kēlā me kēia lā, e lilo ana kēia hana i mea maʻamau no nā kānaka apau.
Share with us the qualities of leadership you admire and how you express those in your life. I koʻu manaʻo, pono nā alakaʻi maikaʻi e alakaʻi me ka naʻau haʻahaʻa, ka puʻuwai hāmama, a me ka manaʻo kūpono. Pono nā alakaʻi e hoʻolohe i nā kanaka ʻē aʻe a noʻonoʻo e pili ana i ka pono o ka hui ma mua o nā mea ʻē aʻe.
Who has inspired you to do the work that you are doing? He wahi leo mahalo kēia i nā kumu apau i hānai maikaʻi mai iaʻu no ka mea na lākou i aʻo mai iaʻu i ka ʻōlelo Hawaiʻi a na lākou i hoʻoulu i ka ʻiʻini i loko oʻu e lilo i kumu ʻōlelo Hawaiʻi. I koʻu aʻo ʻana i kaʻu poʻe haumāna, hoʻāʻo au e hoʻohālikelike i koʻu kaila aʻo me kaʻu mau kumu ʻoiai he lālā au no lākou.
What is one word that describes something you are excited about for the lāhui? Language
What is one word that describes a pressing issue that is facing our lāhui? Disconnect